Kane ka jingiakhih ka Voice of the People’s Party (VPP) mynta ka sngi ha Madan Malki halor ka jingkiewdor ki marbam mardih, ka dedi tang ban ioh jingmyntoi ka party bad kaba la shu ialam bakla ia ki paidbah kiba lui lui.
Ia katei ka jingkynthoh la kynthoh da u Myntri ka tnat Food Civil Supplies ka Sorkar Jylla u Bah Coming One Ymbon halor ka jingkynnoh ka VPP baka Sorkar Jylla, ka khlem lei eiei ban tehlakam iaka jingkiew dor ki mar bam hapoh ka Jylla.
Haba kren shaki lad pathai khubor, u Bah Coming u la kubur ba ka jingkiew dor kadei tang haka liang ki jhur bad ka doh namar ka Meghalaya kam dei ka Jylla kaba lah bha ban pynmih (Production State) iaki jhur bad ki jait doh.
U Bah Coming u la ong ba ka jingiapher ka dor jong kiwei ki marbam ha baroh kawei ki Jylla ka thain shathei Lammihngi (North East) kadei hi tang daki naia lane T.1-T.2, ym haduh katta katta kumba la kynnoh, da ki Nongialam ka VPP.
U la kubur ruh ba ka jingkhang iaki kali heh ban iaid naka jingkieng Dam kadei kawei ka daw bad u la ai nuksa daka ba ong “Lada ki Trok ki shim T.100 ban pynpoi mar sha Shillong, mynta ki shim noh T.200 namar ki hap iaid lyngba Mawryngkneng”.
U la ong ruh ba ka jingbym don lynti Rel ruh kadei kawei ka daw ba kiew dor ki mar matta namar ha Meghalaya baroh ki mar, ki wan lyngba ki Trok.
