Ka Khasi Students’ Union (KSU) Ranikor Circle hynne ka sngi ka ioh ban bat 24 ngut ki suba khar Bangladesh.
Ia kine 24 ngut la bat na ki bynta khappud ka India-Bangladesh jong ma South West Khasi Hills District.
Ka KSU ka suba jur ba kine wan napoh Bangladesh hadien namar kim lah ban pyni ia ki kit ki sla kiba biang.
Haba iadei bad kane ka KSU, mardor ka la leit ban aiti noh ia ki sha ki bor pulit ban leh ia kaba donkam.
Ka seng ka kwah ban kyntu ruh iaki shipai iada khappud ( BSF) iaka Police Department bad ruh iaka District Administration jongka South West Khasi Hills District ba ki dei ban shimkhia halor kane ka mat ba wan kiew ki briew bym dei ki trai ri trai muluk khamtam naki thain Border namar kum ka seng ngi don ka jingsuba jur ba ki lah ban don ki khar Bangladeshi kiba wan kiew hadien ba ka la don ka jingkulmar hapoh Ri Bangladesh ha kine ki por.
Ka KSU ka maham ruh iaki Contractor bad ki nongai kam ba kim dei ban pyrkhat tang iaka iohnong shimet jongki da kaba khot iaki khar Bangladeshi ban wan trei ne ban wan bylla hynrei ki dei ban husiar ioh kan mih kaei kaei ka jingeh hadien ha bud. Ka seng ka maham ba lada ki iarap iaki bym dei trai ri trai muluk ban wan rung kum ki nongbylla naka liang ka seng kan sa leh ia kaba donkam.
