Ki Nongshynshar Shnong, Nongsynshar Hima jong ka thain Mawsynram hynne ka sngi kila kynduh ia u Symbud Myntri Rangbah ba khmih iaka tnat PWD (Road) u Bah Prestone Tynsong ban buddien halor ka jingdawa ban shna pynheh iaka Surok na Welloi sha Balat.
Ha kane ka sngi iaki Nongshynshar Shnong bad ki Nongsynshar Hima jong ka thain Mawsynram la synran da u MDC ka Mawsynram u Bah Alvin Sawkmie bad u Bah HM Shangpliang.
Haba kren sha ki lad pathai khubor u Bah Alvin ula iathuh ba haka jingiakynduh ia u Bah Prestone, la pyntip baka Sorkar ka dang pynkhreh iaka Detail Project Report (DPR) ban pynkylla shaka Surok Intermediate iaka Surok na Welloi sha Balat.
U Bah Alvin ula ong ba ka Sorkar Jylla kan mang tyngka bad kan pynlut pisa naka World Bank ban pynbha bad pynkylla iaka Surok Intermediate iaka Surok na Welloi sha Balat.
“U Symbud Myntri Rangbah ula pyntip ba ka Sorkar kan dang leh iaka ba donkam ban pyndep iaka DPR hynrei katba dang pynkhreh iaka DPR ka Sorkar kan mang pisa shwa naka bynta ban maramot iaka Surok na Welloi sha Balat” la ong u Bah Alvin.
