Ka kynhun ki Dribar Niah Auto Rickshaw ha ka thain Nongpoh mynta ka sngi ki la pyntip paidbah sha baroh ki para dribar nongniah Auto Rickhsaw bad ki trai Auto Rickhsaw ba ki pynlong ia ka jingialang paidbah ka ban long ha ka 14 tarik u Nailur 2024 ha Dorbar Hall Iewmawlong.
Kumba la pynpaw da ki Nongniah Auto Rickshaw lane ki Convener katei ka jingialang, kane ka jinglum ia kane ka jingnialang naduh ki dirbar Auto Rickshaw bad ki trai Auto Rickshaw, ka dei halor ka Nongrim ba u ka sengkmie Nongpoh Region Auto Owners and Driver Association ka lah ban jubab ia ki jingdawa ban khot noh ia ka General Meeting bad ruh ban ai jingkhein jingdiah halor ka pisa kaba la sahkut mynta la 13 ne 14 snem bad ban iaid beit ka jingtreikam ki la rai ban pynlong ia kane ka jingialang na ka bynta ban jied noh ia ki nongialam ba thymmai.
Ki la pynpaw ruh ba ki la burom ia ka sengkmie ha ka jingialam u Bah Marcus Marten kum u president, hynrei namar ka jingkhein dew thala utei nongialam bad kiwei ki nogialam kim base ban iaid noh la ka jong ka lynti ha kaba ki hap ban pynlong da ka jingialang paidbah naduh ki dribar Auto Rickshaw bad ki trai Auto Rickshaw na ka bynta ban ia kren bad ban ia thir sani na kabynta ban jied biang ia ki nongkitkam ba thymmai ban nym treh shuh ban ia trei lang bad katei ka kynhun ba la ialam da u Bah Marcus Marten.
Kitei ki dribar Auto ki la pynpaw ruh ba kim banse ban leh ia kane ka kam na ka bynta ban hok jong ki kum ki nongniah Auto bad ki trai Auto, ha kaba kim kwah shuh ban ia trei lang ba ka jingtreikam kam long kaba iaid beit iaid ryntih bad ka seng kmie kam lah satia ban ai juban khamtam ka jingkhein jingdiah bad ban jied ia ki nongkitkam thymmai kaba la shu sahteng mynta la 13 lane 14 snem ei ei.
Namarkata, na ka liang kitei ki Dribar Auto Rickshaw ki la kyrpad jur ia baroh ki Dribar Auto Rickshaw bad ki trai Auto Rickshaw ba kin ia wan khnang ha katei ka sngi, khnang ban lah ban pynbeit ia ki kam bad ruh ba jied ia ki nongialam ba thymmai na ka bynta ban iaid beit ban iaid ryntih ka jingshakri sha ki paidbah kum kita ki Dribar bad ki trai Auto Rickshaw ha ka thain Nongpoh.
shuh shuh, ha kawei ka bynta ki la kyrpad ruh ia ki paidbah ban iai shah ha katei ka sngi ba kam don ka jingkamai ki Auto Rickshaw, kaba dei halor ka jingdon katei ka jingialang jong baorh ki dribar Auto bad ki trai Auto bad ki kyrmen skhem ruh ba ki paidbah kin ai ia ia jingiakyrshan lang bad kum ka kynhun nangne shakhamt kan dang ai ka jingshakri kaba bha tam sha ki paidbah nongleit nongwan, ki la bynrap.
