U Deputy Commissioner ka Ri Bhoi District u Abhilash Baranwal u la pyntip sha baroh ki Kolej, ki samla pule bad kito ki samla ba ia khun ia ka NEET na ka District ba ki ar tylli ki prokram ka “Tech Tutor Meghalaya ” na ka bynta ka sobjek Math bad Science bad ka “Meghalaya Star 30” kaba dei ka prokram ba ai jinghikai ei jong ka NEET Examination la plie ruh ha ka Youtube Channel bad lah ruh ban ioh na SCSTE website hapoh ka LMS Tab.
Kine ki ar tylli ki prokram ki dei kiba la pyniaid bad pynbeit ryntih da ka State Council of Science, Technology & Environment (SCSTE) Meghalaya.
La pynwan dur ruh lyngba ka Tech Tutor Meghalaya na ka bynta ban iarap ia ki samla kiba donkam ban pyntbit ha ka sobjek Match bad science ha baroh ki skul hapoh ka jylla Meghalaya. Ia mynta kane ka prokram kan iarap kyrpang ia ki khynnah lyngba ki dur khih (Video) na ka bynta ki samla pule Class X bad la shim khia ruh ban pyniar ia kine ki rukom hikai lyngba ki Youtube channel na ka bynta ki khynnah ba pule naduh ka Class VIII haduh ka Class XII. La kyrpad ruh ia ki school bad ki samla pule ba kin pyndonkam ban lum jingtip lyngba kane ka Youtube channel. Ban tip kham bniah, ki samla pule ki lah ban peit lyngba ka TECHTUTORMEGHALAYA http://www.youtude.com/ @TECHTUTORMEGHALAYA bad lyngba ka website http://lms.scste.org/course/view.php?id=2.
Kumba ka Meghalaya Star 30 program la sdang ban pyntreikam naduh ka 15 tarik u Naitung 2024, kaba dei ka jingthmu ban ai jinghikai ei kumba 10 bnai ia ki samla pule ba ia khun ia ka NEET ha State Institute of Rural Development (SIRD), Nongsder, ba la tip ruh kum ka ‘residential couching program, ka SCSTE ka la dep ruh ban plie ia ar tylli ki rynsan kiba kynthup ia ka YouTube channel @MEGHALAYASTAR30, (https://www.youtude.com/@ MEGHALAYASTAR30) bad ka SCSTE Website:- LMS Tab (http://lms.scste.org/course/view.php?id=3), kaba dei kyrpang na ka bynta kito ki samla kiba ia ka khun ia ka NEET Examination ba kin ioh lum jingtip shaphang ki jingdonkam lyngba kine ki Youtube bad ki Website ka NSCTE. Kane ka long katkum ka kyrwoh ba la phah da u Deputy Commissioner ka Ri Bhoi.
