Nongpoh, Jylliew 23: Ki 14 ngut ki nonghikai ne ki Coach ha ka jingïalehkai phutbol na ka jylla Meghalaya, ki la ioh ia ka AIFF ‘D’ License, hadien ba ki la pyndep ia ka jingshah hikai ne shah pyntbit, kaba la pynlong da ka All India Football Federation (AIFF) ha ha madan GPSA Umrangso, Dima Hasoa jong ka jylla Assam ha u Jymmang mynta u snem.
Hadien ba kitei ki 14 ngut ki Coach na Meghalaya, ki la leit ban shah hikai ne shah pyntbit na bynta ban ioh ia ka AIFF ‘D’ License, ki donkam sa ban thoh ia ka eksam, ha kaba tang kito kiba pass bad ki sa ioh ia katei ka AIFF ‘D’ License.
Kitei ki 14 ngut na ka jylla Meghalaya kiba la ioh ia ka ‘D’ License jong ka AIFF, ki kynthup ia u Donkupar Kharkongor, Kynsaibor Sohlang, u Hardy Cliff Nongbri, Mebadonbok Nongkhlaw, Precioustone Nongkhlaw, Pynbunboklang Kharbangar, Richmon Arkee Chyne, Rofferfield Ryntathiang, Sainkupar Sun, Sumarlang Swer, T. Foreman S. Khongjee, Benedict Ranglong, u Mohan Gurung bad u Vicky Sharma.
IOH AIFF ‘D’ LICENCE 14 NGUT KI COACH NA MEGHALAYA HADIEN BA KI LA PYNDEP IA KA JINGSHAH HIKAI
