New Delhi, Jylliew 23: Ka Sara Ali Khan ka ba dei ka puron ba paw jong ka Bollywood, kaba dang iohi shen ha ki phlim ‘Ae Watan Mere Watan’ bad ka Murder Mubarak’ ka la kren halor kane ka jingrakhe iathoh jong u Anant Ambani bad ka Radhika Merchant kiba dei ki khun heh spah jong ka ri India, kane ka jingrakhe iathoh ka ba la long ha Jamnagar. Ka Sara ka la Kren biria, “ Ba ki la ai bam iangi ha ryngkat bad ka ksiar, bad ka jingdon ki mawlynnnai suda ha kylleng ki jaka.”
Haba ia kren iakane, ka Sara Ali Khan ha ryngkat ka jingkren biria bad ka la pynshai ruh “ka la long shisha kaba sngewtynnad, sngewieid haba ki pdiang sngewbha ia ki nongleit nongwan ha kane ka jingiathoh shongkurim. Nga la leit skul ha ki por mynshwa ryngkat bad u Anant, kumjuh ruh nga la ithuh bha ia ka Radhika.” Ka la ong ruh, ba ka Nita Ambani kaba dei ka kmie jong u Anant, bad ka ba dei peit ruh ia ka skul Dhirubai Ambani, ki la long shisha kiba sngewtynnad.
Shuh shuh la iathuh ba ka dei shisha ka bynta ba sah jingkynmaw ha kane ka jingrakhe iathoh shongkurim ba lai sngi jong kine arngut la ong da u tyngshop jong ka phlim ‘Love Aaj Kal 2’. U la ong ruh “Ka jingkynmaw jong nga hakane ka jingrakhe kadei ha por ba u Anant bad ka Radhika ki dang sakhi satar ha ka kot Hastakshar bad ha ryngkat ka jingia peit ieid jong kine arngut ki shijur.”
