Haba sdang ka lympung ialehkai phutbol, kaba la pynlong da ka KSU bad RBYF Killing Unit ha madan Jorbil Killing, ka Benris Football Club, ka la khur ia ka namjop hadien ba ki la lah ban pynliem noh ia ka Majaw Football Club da 16-0.
Ia katei ka lympung ialehkai, la leit ban ban plie pyrda da u Bah Lambok Rymbai, Vice-president ka KSU NKHD bad u Bah Balawantipbor Marwein, Sports Secretary ka RBYF Sengkmie, ha ryngkat ka jingdon u Bah Ricky Lapang, President RBYF Byrnihat Circle, u Samla Alex Kharkrang, President KSU Byrnihat Circle lem bad kiwei ki nongialam.
Khyndiat haba phai sha katei ka jingiakhun, ka la dei ka jingiakhun kaba la noh shiliang shaba palat, namar ka kynhun ialehkai ka Benris FC ki don ia ki rangialehkai kiba tbit, katba ki rangialehkai kiba la mih na ka Majaw FC kim da dei eh kiba la tbit ha ka kam ialehkai bad kaba la pynlong ba kin hap pdiang ia ka nam rem kaba 16-0 hakhmat ka Benris FC.
