Ka National Vice President ka party NPP bad ka MP barim ka Tura ka Agatha Sangma ka la shah thung kum ka Chairperson ka Meghalaya State Commission for Protection of Child Rights (MSCPCR)
Kumba la pynpaw ha rynsan X. u hymmen jongka bad uba dei ruh u myntri barim ka jylla u James K. Sangma, u la ai khublei kyrpang ia ka kum ka para, hadien ba ka la shah thung ha ka sorkar jylla kum ka Chairperson ka State Commission for Protection of Child Rights.
Na ka liang ka party NPP ruh ka la ai khublei kyrpang ia ka Agatha Sangma ha ka sngi Saitjain hadien ba ka la shah thung kum ka Chairman ka SCPCR.
Na ka liang ka party ka la ai khublei kyrpang ruh ia ka Agatha Sangma halor ka jingshah jied kum ka chairperson ka State Commission for Protection of Child Rights bad ka party ka la pynpaw ruh kumba ka la shimti ia kane ka kam ba la bynshet da ka sorkar kan shim ruh ia ka jingkitkhlieh ban ai ka jingshakri kaba bha tam ban ai ia ka jingiada kaba kyrpang ia ka hok ki khynnah hapoh ka jylla.
