Na ka daw jongka jingneh u lapbah uba la ther ha kine ki sngi, kawei ka ïing ba la tei da ka dewbilat, harud ka surok ba hap ha ka shnong Umlieh, West Khasi Hills District ka la shah tap noh haka jingtwa kynsan jongka khyndew, kaba la jia mynta ka step ha ka por 6 baje ei ei mynstep.
Katkum ka tyllong khubor ba la ioh lum, la iathuh ba nalor katei ka dukan, sa kawei de ka Kali Maruti Van ruh ka la shah tap ha ka khyndew, hynrei ha kane ka jingjia donbok ym shym la don kano kano ka jingjia ba sngewsih, na la iathuh ba ha katei ka por jong ka jingtwa khyndew ym shym la don briew satia hapoh katei ka dukan bad katei ka kali.
Shuh shuh, la iathuh ba kane ka jingtwa khyndew ka la pynthud shikatdei ia ka leit ka wan ki paidbah, naba ka surok na Umlieh-Mawlangsu ka la khang lynti bad ka jingpynkhuid ia ka khyndew ka dang iai bteng haduh mynta ka sngi na ka bynta ba ki paidbah kin ioh lad biang ban pyndonkam ia katei ka surok ha ka leit ka wan, ong ka tyllong khubor ba la ioh lum.
