Ka Election Commission of India (ECI) mynta ka sngi baar jong ka taiew, ka la pynbna paidbah ba ka election shiteng samoi ha Gambegre Constituency ha rilum Garo kan long ha ka 13 tarik u Naiwieng 2024.
Katkum ka kyrwoh khubor ba la pynlait da ka Election Commission of India (ECI), ka tarik ban pynmih ia ka Gazette Notification kan long ha ka 18 tarik u Risaw 2024 bad ka taraik ba khatduh ban pyndep ia ka Filing Nomination kan long ha ka 25 tarik u Risaw 2024.
Ka sngi ban niew ia ki vote hadien katei ka election shiteng samoi kan long ha ka 23 tarik u Naiwieng 2024.
Kum bann pynkynmaw, ka Election Commission of India ka hap ban pynlong ia kane ka election shiteng samoi ha Gambegre Constituency, ka dei hadien ba u MLA ka Congress u Saleng A. Sangma u la iehnoh kam noh kum u MLA, kaba dei ruh hadien ba u la jop kum u MP ka Tura Parliamentary Seat ha ka election MP sha ka ing dorbar ha Lok Sabha kaba dang shu dep ha ka ri.
