Khliehriat, Jylliew 14: Kum uwei na u khynnah skul ba shlur ba dang pule ha Don Bosco Higher Secondary School Khliehriat bad uba dang don 18 snem ka rta u samla Heimon M Muksor da ka jingshlur u la kren hakhmat 2 ngut ki MLA ka Jaintia ba kin shim khia lem ban kren sha u myntri rangbah u Conrad Sangma ban weng noh ia ka jingeh ki paibah ha Jaintia Hills kaba la ktah jur naduh ba la khang ka NGT ha u snem 2014 ban tih dewiong ha ka jylla.
Une u khynnah skul u la kren ia ki jingshah ktah ka khang tih dewiong ka dei hakhmat u MLA ka Khliehriat u bah Kyrmen Shylla bad ka MLA ka Saipung Sutnga ka Kong Santa Mary Shylla ha ka jaka shah thngan u Bah Marshall SB Biam ha Lad Rymbai Road, uba ieng ban dawa na ka sorkar ban ailad noh ka tih Dewiong ha jylla.
Ki mat ba kham ktah jur kiba u la kren ka dei ka jingkyrduhkam kyrduh jam, ka ktah ia ka kamai kajih bad ka ioh ka kot ki paidbah Jaintia naduh ba la khang tih dewiong.
U la kren bun ki kmie ki kpa ki hap pynsangeh ia kin ban leit skul ba ki don shuh ka lad kamai kajih bad bun ruh ki kam sniew ki mih kum ka jingkynrei u drok bad ki kam tuh kam thiem ka mih naduh ba la khang tih dewiong bad u buh ka jingkyrpad ia kitei ki 2 ngut ki MLA ba kin shim khia jur ban kren sha u myntri rangbah ka jylla bad ka sorkar ba kin shim khia moh mardor bad ka sorkar kmie khnang ban ioh lad noh ban tih dewiong kaba la ktah jur ha Jaintia bad ha jylla hi baroh kawei.
Sa peit ruh
