Ha ka jingiakhun ba khatduh jong ki kynhun kiba don ha ka Group-B, kaba la long mynta ka step, ka Venezuela bad ka Equador, ki kynhun na katei ka Group ki la ïoh ban rung sha ka Round-16.
Ka jingiakhun kaba mynta ka sngi, ka Venezuela ka la lah ban pynliem ia ka Jamaica da 3-0 bad ia kitei ki kol la thep da u E. Bello ha ka minit ba 49 jong ka kylla step ka jingiakhun.
Haba bteng ka kylla miet jong ka jingiakhun, ka Venezuela ka la nangnion shuh shuh ia ka Jamaica bad ha kaba kum katei ka por, ka la ïohlad biang ban thep kol lyngba u J. Rondon uba la thep ha ka minit ba 56 bad u E. Ramirez uba la thep ha ka minit ba 85.
Ha ka jingiakhun hapdeng ka Mexico pyrshah ia ka Equador, ka jingiakhun ka la kut noh ha ka jingiakhaid kaba ym don kiba lah ban thep kol.
Haba kut noh ka jingiakhun kawei pyrshah ia kawei ka kynhun hapoh ka Group-B, ka Venezuela ka don ha ka kyrdan ba hakhlieh ha ka miej iakhein poin bad kaba la ïoh 9 poin, bud sa ka Equador kaba ïoh 4 poin, ka Mexico 4 poin bad ka Jamaica ka khlem jop wat tang shisien ruh.
