Ka Archery Association ka Eastern West khasi Hills District bad ha ryngkat ka jingiatrei lang ka ophis ka District sports Officer WKHD ha ka 15 tarik u Nailar 2024, ka la pynlong da ka ‘2nd District Level Archery Competition 2024’ na ka bynta ban ailad kyrpang ban shim bynta naduh ki samla kynthei bad ki samla shynrang ba la pynlong ha Madan Ialehkai ka Shnong Kynshi pyllun ba hap hapoh Mawthadraishan C& Rd Block.
Kumba la pynpaw, ka jingthmu ba kongsan, ha kaba la pynlong ia kane ka jingiakop siat khnam ba la tip kum ka ‘2nd District level Archery Competition’ ka dei ka jingthmu ban jied ia ki rang bad ki thei ialehkai ba kynsai tam ha ka kam ia siat khnam bad ruh ba kin sa jied na ka bynta ban leit mihhmat pat ia ka District ha ka jingiakop siat khnam kaba heh jong ka jylla ba la tip kum ka ‘Meghalaya games’ ha u snem 2025.
U Bah K. Syiemlieh Secretary bad u Founder ka Green Tech Foundation u la wan ban shim bynta kum u kongsan bad la sakhi lang ruh da ka jingdon lang ki nongpyniaid ka Association, ki samla ba la shim bynta bad kiwei kiwei de.
Kum ka jingpynshlur ia ki rang bad ki thei ialehkai, ha kane ka sngi la sam ruh ia ka khusnam sha ki nongjop da ka Songpisa ha ryngkat ka Syrnot bad ka trophy.
