Ka tnat ka koit ka khiah kala tyrwa ban pynbiang dawai sumar dait ksew (Rabbies) ha baroh ki Sub-Center nalor ki Hospital hapoh ka Jylla.
Ka khubor kaba sngewsih, ka long ba kawei ka nongtrei ka tnad ka Koit ka Khiah kum ka Mid Level Health Provider (MLHP) ka kong Gracetyfull Marngar ba 32 snem na West Khasi Hills ka la khlad noh na ka jingpang shah dait kdew (Rabbies) kata hadien ka jingshah dait ksew kaba la jia la kumba ar bnai eiei.
Ka Myntri ka tnat ka koit ka khiah, ka Kong Ampareen Lyngdoh hynne ka sngi kala lum ka jingïalang bishar bniah halor kane hadien ba kawei ka nongtrei Nurse kala khlad noh hadien ar bnai baka shah dait ksew.
“Ngi la lum jingïalang halor kane bad nga la bthah iaki Ophisar ka tnat ban shim iaki sienjam ban pynbiang ki dawa (Injection) sumar shah dait ksew wat hapoh ki Sub-Center” la ong ka Kong Ampareen.
Ka Kong Ampareen ka pynpaw ka jingsngewkhia bad sngewsih halor kane ka jingjia ba sngewsih iaka Nongtrei Nurse bad ka phah ka khubor sngewlem shaki baha iing hasem jong ka lanot.
