Nongpoh, Jylliew 13: Haka jingiakhun phainal ban ïoh knieh iaka nam lahduh haka Lympung 2nd Dr. Jerin Syiem Memorial Knockout Football Tournament, ka kynhun jong ka Umphing Thymmai Sports Club Ka la long ka nongjop ha kaba katei ka kynhun ka la lah ban pynliem noh iaka Denova Sports Club da 2 kol la 1 kol.
Kum ban shu kdew hangne ia kane ka lympung ialehkai ball kaba la pynlong ha madan Umden la pynlong daka iing ka sem jong u Bah Mayralborn Syiem Kum shi bynta ban pynneh pynsah ia u synniang u bynhei jong kpa jong ki u Late Dr. Jerin Syiem u ba la khlad noh naka sla pyrthei myn 6 snem mynshwa hakaba la aiti pat ïaka Nongtluh Sports Association ban pyntyllun ia kane ka lympung.
U Late Dr. Jerin Syiem u dei ruh u Doctor Sumar briew u ba la bat teng iaka kam kum u District Medical Health Officer ha Ribhoi district, ha shwa ba un khlad noh na kane ka pyrthei u la dei ruh uwei na ki Doctor ba la iadon bynta ban pynduh jait iaka jingpang Ñianglyngkut. Hynrei hadien ba u la ai ka jingshakri ka ba bit ba biang ha kylleng ka bynta jong ka Ribhoi une u rangbah u la khlad noh na kane ka pyrthei myn 6 snem mynshwa.
Ia kane ka Lympung ialehkai ball ban kynmaw burom iaka ki kam ba rat bah jong une u Rangbah la wan ban sakhi lang da u Aiborlang Khongjee u rang ïalehkai Ball ba kynsai jong ka Ri bad ka Jylla haka jingiadonlang ki khun jong u Late Dr. Jerin Syiem kynthup ïa u bah Mayralborn Syiem, bah Marchborn Syiem, Samla Riton Myrsing President ka Nongtluh Sports Club Bad kiwei kiwei ki riew rangbah jong katei ka thaiñ.
Haba phai sha katei ka lympung, ka Umphing Thymmai Sports Club kum ka lahduh ka la ioh ban rah iaka song pisa kaba 50 hajar Bad ka Denova SC ka la ioh rah 30 hajar tyngka Bad la sam ruh iaki khusnam Shimet kiba kynthup ïaka Nam Best Player, Best Goalkeeper, Best Scorer bad kiwei kiwei.
Sa peit ruh
