Nongpoh, Lber 13: Kum ka jingplie lad plie lynti ia ki khun samla ka dong Ri Bhoi ba kin shim kabu na ka bynta ban iakhun ia ki examination thungkam la ha ka jylla ne ka ri, ka ophis u Deputy Commissioner ka Ri Bhoi District ryngkat ka jingiatrei lang bad ka Society For Creating A Difference’ mynta ka sngi ka la pynlong da ka prokram kyrpang ia ki khun samla bal tip kum ka Career Guidance and Counselling program ba la shim bynta da ki khynah skul bapher bapher ka Ri Bhoi.
Ia kane ka prokram la pynlong ha Ri Bhoi College ba la shim bynta palat 300 ngut ki khynnah skul kiba naduh ka Class-IX haduh Class-XII ba la ai jinghikai kyrpang ia kid a ka Society For Creating A Difference lyngba u Dr. Vikas Kumar, u Amit Kumar, u Karmveer Kumar, u Abhishek Kumar. Lasakhi lang ruh ha kane ka sngi da ka jingdon lang u deputy Commisisoner ka Ri Bho u Abhilash Baranwal bad u Akash Marak Assistant Commissioner ka Ri Bhoi ha ryngkat ki Nonghikai lem bad ki khynnah skul.
Lyngba jong kane ka sngi, ka Society ForCreating A Difference ki la lah ruh ban pynlong ruh iaka Quiz Competition bad la sam ruh da ki khusnam bad ki synot sha kito ki nongjop.
Ha kane ka sngi la ai jingkren ruh da u deputy Commissioner ka Ri Bhoi, u la khot la wer ia ki samla bad ki khynnah skul ba kin dei ban shim kabu haba don kum kane ka jaid prokram kaba iarap ia ki ban ioh lad na ka bynta ban pyntbit ia lade haba ia khun kam na ka bynta ki kam sorkar la ka dei ha ka jylla ne ki kam ha ka sorkar kmie.
