Shillong, Jylliew 14: Ka Fact-Finding Committee jong ka Meghalaya BJP halor ka jingkynnoh ba don ka jingtih dewiong hapoh ka Jylla kala dep aiti ïaka kaiphod shaka Party.
Lah ban kdew ba namar ka jingjur ka jingkynnoh tih dewiong beain, ka Meghalaya BJP haki bnai baka dep, kala thaw daka Fact-Finding Committee ban don 10 ngut ki dkhot ban tohkit.
Ïa kane la pyntip da u State General Secretary u Bah Wankitbok Poshna bad u la ïathuh ba ka kaiphod kadei kaba jrong bha bad ka Party ka dang pule bad bishar bniah ïaka kaiphod.
Haba kren shaki lad pathai khubor u Bah Wankitbok Phshna, u la ong ba ka Party kan sa pyntip paidbah ïaka jinglap jong ka committee halor ka jingkynnoh don ka jingtih dewiong beain hapoh Meghalaya.
“La palat lai taiew tam ka Fact Finding Team jong ka Party kala aiti ïaka kaiphod hynrei don ki katta katne ki kam ba dang sah bad u Convener jong ka Committee u la pan por ban pyndep ïaki katto katne ki kam” la ong u Bah Wankitbok.
