Guwahati, Jylliew 14: Da ka jingbuddien ki Pulit ka Assam halor ka jingjia ha Dhubri ha ka jylla Assa, 38 ngut ki runar ki la shah kem noh ha ki Pulit ka Assam, kaba dei halor ka jingkynnoh ba ki don kti ban leit buh da ka doh masi ha ka jaka mane blei ki Hindu ha Dhubri.
Ïa kane ka jingshah kem kitei ki 38 ngut, kiba ym pat jer kyteng, la pynpaw hi da u Myntri Rangbah ka jylla Assam, u Himanta Biswa Sarma ha ki rynsan Social Media lyngba ka X, kaba u la pynpaw pyrthei ba 38 ngut ki runar ki la shah kem halor katei ka jingjia ha Dhubri.
Kum ban pynkynmaw hynnin ka sngi ruh ha ka X, da u Myntri Rangbah ka jylla Assam u Himanta Biswa Sarma, kaba dei halor ka jingpynjah burom ïa ka jaka mane blei ki Hindu ha Dhubri, da kaba wan bret ïa ka Doh Masi ha ka jingrakhe ïa ka Eid dang shen ha Dhurbri bad ruh ba la don ki kynhun kiba thmu ban pynjot ïa ka jaka mane blei ki Hindu, u Myntri rangbah ka jylla, Assam, u Himanta Biswa Sarma, ha ka jingleit iuh kjat sha Dhubri hynnin ka sngi, u la ai syndon da ka hukum kaba khor bha ban siat naphang ïa kino kino ki kynhun ba thmu pynpra ïa ka jaka mane blei ki Hindua bad ruh kiba pyrshang ban leh sang da kaba wan bret ïa ka doh masi ha ka jaka mane blei ki Hindu ba la khein sang katkum ka jingngeit ki Hindu.
