Shillong, Jylliew 14: Ki kynhun sengbhalang hapoh ka shatri jong ka Confederation of Meghalaya Social Organisations (CoMSO) hynne ka step kila tur hakhmat ka khyrdop jong ka Main Secretariat ban dawa naka Sorkar Jylla ban pyntreikam noh ïaka Inner Line Permit (ILP).
Haka por kumba 12 baje, la sakhi ba ki kynhun seng haka jingialam u President ka HYC u Bah Roy Kupar Synrem kila sdang ialum ha khyrdop daka ba pyrta ‘Ngi dawa ILP’.
Marsien iohi ka jingialum briew ha khyrdop, naka liang ki nongap pahara kila sdang khohreh ban khang iaki khyrdop ban khanglad iaki sengbhalang ban rung sha phyllaw ka Secretariat.
Kham hadien naka liang ki Pulit ruh kila sdang ban wan sha khyrdop ka Main Secretariat bad kila khanglad ruh iaki dkhot ban shong hapdeng surok daka ba ong ba kan pynwit iaka iaid ka ieng ki paidbah.
