Nongpoh, Lber 19: Kawei ka trok kaba kit ïa u soh Watermelon kala kem ding kynsan haduh ba kan da ingkhong khaid ha surok bah National Highway haka shnong Shangbangla ha Ri-Bhoi District.
Katkum ka jingtip bala iohlum la ong ba kane ka jingjia kala haka por kumba 2:30 baje eiei mynstep ha kaba katei ka trok kaba don ïa u Registration Number JK 02 CB 4335 bala ñiah da u Datta Wagmare na Maharashtra ka dang kiew sha nongbah Shillong, hynrei kala kem ding kynsan hapdeng surok khlem da tip thikna ïaka daw bala suba ruh ba katei ka trok kala short circuit.
Ki pulit ka Nongpoh Traffic tang mar sien ioh jingtip halor katei ka jingjia kila leit mar mar sha katei ka jaka ban pynlong ka jingtohkit bad donbok ba katei ka jingjia ym shym don ba mynsaw bad u nongñiah u la ioh ban phet ïalade.
Ha kawei pat ka bynta ki paidbah kiba ïaid lyngba na katei ka trok kila muja ban jied bad ban tam ïaki soh kiba dang bha kiba la pharia bad hap ha surok.
