Nongpoh, Lber 17: Dang hynnin ka sngi u MLA ka Mawhati u Bah Charles Marngar u la hiar ban leit jurip ia kiba bun ki longïing kiba la shah lynshop bad shah pynjor ha ka eriong ha ki shnog ba hap ha ka thain Mawlasnai bad mynta ka sngi ruh u la hiar ban leit jurp sa ia ki shnong ba hap ha ka thain Mawhati ha kaba bun ki longing ki la shah lynshop bad sngewsangsot ba ka eriong ka la pynjulor naphang.
Da ka jinsngewkhia u Bah Charles Marngar u la hiar ban leit jurip ia kiba bun tylli ki shnong ba hap ha ka thain Mawhati ha kaba kum u MLA u dap da ka mynsiem ka jingsngew pangnud ban iohi ba bun tylli ki ing ki sem ki la jot rathai na ka jinglynshop ka eriong.
Ki shnong kiba u la leit ban jurip mynta ka sngi ha ka thain Mawhati ki kynthup ia ka shnong Raitong ba la shah pynjulor haduh 12 iing, Khliehumtrew 7 iing, Mawkynrong 6 ïing, Tduhumshiaw 2 ïing, Pahamriñiai 21 ïing, Pamlaban 5 ïing, Sonidan 4 ïing, Lamalong 10 ïng, Mawpat 7 ïing, Mawtari 18 ïing, Iamkhon 4 ïing, Mawlaho 30 ïing, Pamlatar 9 ïing, Umlaper 22 ïing bad kato katne ki shnong kiba shah pynjulor malu mala.
Ha kane ka jingleit jurip naduh mynstep haduh ban da miet, u Bah Charles Marngar u la ai ruh ka jingiarap ia kitei ki longïing kiba la shah ktah jur bad kiba la duh ka ing ka sem tang ba kin ioh ban bam ban dih bad ruh na ka liang jong u kum u MLA un sa kren sha ka sorkar ba kan ai ki jingiarap sha kitei ki longïing kiba la shah ktah jur bad khamtam kito kiba la duh ia la ki ing ki sem.
