Uwei u rangbah ba la tip kyrteng kkum u Bah Colman Kharbihthai bad uba ju khot ieit kum u Bahrit Kharbithai, na ka shnong Saiden u la khlad noh hynnin ka miet ha ka por ba la rah ia u sha Guwahati na ka bynta ka jingsumar kaba kham bha, kaba dei hadien ba u la shah ïuh ha kawei ka Kali Bolero Pik-up ha Mawdiangum ba hap ha ka surok NH-6 ha Ri Bhoi.
Kum ban pynkynmaw, u Bah Colman Kharbihthai u la mynsaw jur bha hynnin ka miet na ki bynta jong ka kjat, kaba dei hadien ba ka Bolero Pik-up kaba don ia u number ML 13 A-1479 ka la iuh haduh ba kawei ka kjat ka la pra bad mynsaw jur. Dei hadien ba la rah sha Guwahati ba u la khlad noh katba ha shiteng lynti kaba dei na ka daw ka jingmynsaw jur.
Kum ban pynkynmaw, ia kane ka Kali Bolero Pik-up la ioh bat noh ha Nongpoh, ha kaba u dribar u la phet krad ia lade bad ka jingtohkit halor kane ka jingjia ka dang iaid shakhmat.
