Kumba 7 ngut ki nongshong kali bad kynthup ia u dribar ki la lait salit na ka jingjia ba sngewsih, kaba dei hadien ka jinghap kynsan u wei u maw uba heh ha ka surok katba ki dang iaid lynti na Shillong sha Dawki.
Kane ka jingjia ka la jia hynnin ka janmiet ha ka por 6.30 baje janmiet, ha kaba katba ki dang iaid lynti ka la don ka jingtwa khyndew bad u maw kaba la jan dei ha katei ka Kali kaba la shong da ki 7 ngut ki nongshong kali. Kane ka jingjia ka dei kaba la jia ha ki bynta jong ka surok na Pyrursla sha Laitlyngkot.
Kane ka kali kaba la lait na ka jingma hadien ka jinghap kynsan u maw bad twa khyndew, ka dei ka Kali Artica kaba don ia u Number ML 05 U 1784 bad ba la niah da u Ajit Deb.
Kumba la ioh lum jingtip, ka daw ka jingtwa kynsan u ka khyndew bad ka jinghap maw ka dei namar ka jingpynheh ia ka surok na Shillong sha Dawki, ha kaba ka sorkar ka hap ban shim khia ia kane na ka bynta ka jingshngain jong ki paidbah nongleit nongwan.
