Shillong, Lber 19: Ka Executive Committee (EC) jong ka Khasi Hill Autonomous District Council (KHADC) mynta ka sngi ka la pynbna ba kan thaw daka Special Committee ban khmih bniah bad pule bniah ïaki AD Rules khnang ban ioh pyntreikam haka rukom kaba janai bad paka.
Ïa kane ka rai la pynbna da u Executive Member (EM) ka KHADC, u Bah Powel Sohklet bad ula ong ba ba ka EC kala dep ban bishar bniah iaki AD Rules bad lap shibun ki jingduna.
Haba kren shaki lad pathai khubor u Bah Powel u la ïathuh ba ka Special Committee kan pule bniah bad bishar bniah iaka Rules 128 jong ka AD Rules kaba kdew iaka jingshim bynta ki bym dei riewlum haka ilekshon shaki Autonomous District Council.
U Bah Powel u la pyntip ruh ba haduh mynta ka EC kam pat rai iano yn thung kum ki dkhot ka Committee bad pule bniah iaka AD Rules hynrei ka thong jong ka Special Committee kan dei hi ban bishar bniah khnang ban lah ban wanrah ka jingpynkylla (Amend) iaki kyndon kiba don hapoh AD Rules.
“Ka EC kala aiti ruh shaki MDC ba kin wad bniah ruh Proceeding jong ka iingdorbar namar katkum ka jingtip ba ngi la ioh ba mynshwa kala don ka jingïakren haba iadei bad ka jingpynkylla (Amend) iaka 128, Ngin wad kita ki Proceeding ki kren kumno bad ngi la shaniah haki MDC haka jingïalam da u Chairman” la ong u Bah Powel.
