Nongpoh, Jylliew 05: Ym tang ban rakhe ïa ka World Environment Day ne ka sngi pynneh pynsah ïa ka mariang bad da ka jingïatrei lang ka ophis u Block Development Officer ka Umsning C&RD Block bad ka Grassroot ki la lah ban wan rah ïa ka prjek thung deing kaba 25 hajar tynrai ha ka Shnong Mawtari Thaiang ba hap ha ka Mawhati Constituency.
Kane ka projek thungdeing haduh 25 hajar tynrai ka dei ruh ka projek ban pyntreikam lang ruh lyngba ka skhim MGNREGA, kaba dei ka thong ban pynjyrngam biang ïa ka mei mariang.
Ha kane ka sngi, kaba long ruh shi bynta ban rakhe ïa ka sngi pynneh mariang la don ryngkat u Bah Charles Marngar MLA ka Mawhati kum u kongsan bad ha ryngkat ka jingdon lang u Bah Andrew L Myrthong BDO ka Umsning C&RD Block, ka kong Mayfereen Ryntathiang President ka Grassroot, u Bah Tolbin Umbah Rangbah Shnong, ki samla pule, ki khynnah skul, bad ki longkmie longkpa na katei ka shnong.
Na ka liang ka Kong Mayfereen Ryntathiang ka la pynshai ruh ka daw kaba la pynlong ban wan rah ïa kane ka Projek thung deing kaba 25 hajar tynrai ha ka shnong Mawthari Thaiang, ka long ban shim biang ïa ka sienjam ban pynjyrngam ïa ki khlaw ki btap ha katei ka thain bad kawei ruh ka long ka dei ba la don ka jingïatrei lang bad kane ka shnong la bun snem mynta ha kaba da ka jingïatrei lang ngin lah ban pynurlong ïa kane ka thong ba ka thain Mawtari Tahiang sa shisieng ngin iohi biang ïa ka jingjyrngam ki khlaw ki btap.
Na ka liang u Bah Charles Marngar ruh ha kane ka sngi, u la pynpaw ïa ka jingkmen ba ka Grassroot ka la wan rah ïa kane ka projek thungdieng bad u khmih lynti ruh lyngba ka jingïatrei lang naduh u BDO ka Umsning, ka Grassroot lem bad ma u kum u Nongmihkhmat kin lah ban pyrlurlong ban pyrjyrngam biang ïa kitei ki khlaw lyngba katei ka projek thung dieng kaba la poi haduh 25 hajar tynrai.
