Katba ka jingiakhih ha ka ri Bangladesh ka la nang jur, u Myntri Rangbah ka jylla, u Conrad K Sangma u la pyntip ba ka sorkar jylla ka la shimkhia ban iatreilang ryngkat bad ka Bangladesh High Commission bad ruh bad ka Indian High Commission ban pynthikna ia ka jingshngain jong ki samla pule.
U Conrad K Sangma, u iathuh ba kumba 161 ngut ki samla pule jong ka ri ba kynthup ruh ia kumba 63 ngut na ka jylla Meghalaya, la lah ban pynpoi suk iaki shapoh u pud u sam ka India bad pyntip ruh ba ka sorkar jylla ka la thung ia u Bah Hiwot Rymbai (+91 9615716153) kum u Nodal Officer bad u bah Thomas (+91 8415060802) kum u Assistant Nodal Officer ban iarap ia ki samla pule kiba wanphai na Bangladesh ha ka khappud Dawki.
