Ki pulit ka Khliehriat mynta ka sngi kila ioh ban kem ïa uwei u briew hadien ka jingioh jingtip kaba bñiah ba u kit ïa u drok katba u dang leit jingleit da kawei ka bus Night Super.
Naka liang ki bor pulit ka Khliehriat hapoh ka jingïalam u Bidhan Bhattacharjee DSP Crime kila pynap da ka naka ha Umtyra bad hadien bala ioh bat ïa katei ka bus ki pulit lap ïa uwei u briew ryngkat 2 tylli ki pla bad hakawei naki la don ruh ki kynja dawai powder bala thep haki 25 tylli ki synduk sabon.
Ki pulit hadien ka jingioh kurup ïakitei ki powder bala thep haki synduk sabon kila pynlong ka jingkhmih bñiah haka jingdon lang ki nongsakhi bad lap ba u dei u drok heroine ba don ka jingkhia kumba 290 gram.
Halor katei ka jingioh kurup ki pulit kila kem ruh ïa uwei u briew bala tip kyrteng kum u Abul Kashim Md Abbas na Karimganj Assam bad ka jingtohkit ka dang ïaid shakhmat katkum ka NDPS Act.
