Da ka jingiaid buddien bad ka jingtohkit ki bor pulit ka East Jaintia Hills, kaba dei halor ka jingshah pyniap ki 4 ngut ha Umpleng, ki Pulit ka East Jaintia Hills ki la ioh kem biang sa 4 ngut ki runar, kiba la suba ba ki la don kti ha kaba pyniap ia kitei ki saw ngut ha Umpleng.
Kane ka jingiohi kem ki Pulit ka East Jaintai ia kitei ki 4 ngut ki runar, ka dei katkum ka mukotduma ba la mudui ha Khliehriat Police Station katkum ka Case NO 49(07)2024 u/s 103/3(5) jong ka Bharatiya Nyaya Sanhita (BNS).
Katkum ka kyrwoh khubor ba la phah da u Heh Pulit ka East Jaintia Hills, u Giri Prasad, la ong ba hadien ba la ioh kem ia kitei ki 4 ngut, la pynlong ruh ia ka jingtohkit kaba jur ban ioh lapksai ia kiwei ruh kiba don kti ha kane ka kam pyniap briew kaba ki 4 ngut ki duh ia ka jingi, ha ka jingjia kaba la jia ha ka 6 tarik u Naitung 2024 ha Umpleng, ba hap ha East Jaintia Hills.
Shuh shuh, u la iathuh ruh ia mynta ki bor pulit kin nym lah ban ai kyrteng ia kitei ki 4 ngut ba la ioh kem, ha kaba ka jingtohkit ka dang iaid shakhmat bad ruh ba kin dang pynlong ia ka jingtohkit ba lap ksai ruh ia kiwei kiba don kti ha katei ka kam pyniap briew ba 4 ngut ki la duh ia la ka jingim.
