Kum u MLA ka Nongpoh Constituency u Bah Mayral Born Syiem ha ka sngi Saitjain u la leit ban iuhkjat sha ki ar tylli ki shnong na ka bynta ban pynpoi ia ki kam pynroi lyngba ka MLA Skhim ba la ti kum ka SRWP 2023, kaba dei ka jingdonkam jong ki paidbah nongshong shnong.
Kitei ki ar tylli ki shnong ba u MLA u la leit ban iuh kjat bad ban kynduh ia ki paidbah ki kynthup ia ka shnong Kbet Nongbri bad ka Shnong Umsawnongbri.
Ha kane ka sngi, u la leit ban ia kynduh nyngkong eh ia ki khlieh nongsynshar shnong ka shnoing Kbet Nongbri, kaba u la leit ban jurip ia ka jingpyntrei ia ka Madan kaba long shi bynta ka jingpynkhreh ban pdiang ia ka Jingïaseng Synod Samla ha katei la shnong ka ban sa long ha u snem 2026.
Ha ka jingïalang ha ka shnong Kbet Nongbri, u bah Mayralborn Syiem u la ïoh ban aiti ïaka Work Order kaba 2 lakh tyngka naka bynta ban shna Kynroh jong ka Ïingmane bad 50 hajar tyngka naka bynta ban Shna pynbha ïaka ïing jong ka CE Society Balang Presbyterian Kbet Nongbri.
Ha kane kajuh ka sngi, u Bah Mayral born Syiem u la leit ruh ban ia kunduh ia ki nongialam shnong, ki samla bad ia ki nongshong shnong ka Umsawnongbri bad ha ka jingiakynduh lang u la sam ruh ia ka work order kaba 1 lakh tyngka naka bynta ban thied ki tiar pynsawa bad 5 lakh tyngka naka bynta ban tei pynheh ïaka Auditorium Hall ka Shnong Umsaw Nongbri.
Haba kren ruh ha kane ka sngi, u Bah Mayral Born Syiem u la kyntu ba ia kitei ki kam pynroi kiba u la ai sha ki shnong ki dei ban pyndonkam bha khnang ban wan ka jingkylla ha shnong ha thaw bad u la pynpaw ruh ba u sngewthuh ba kane ka jingsam ia ki kam pynroi kam lah ban urlong kumba angnud, hynrei wat la kata ruh un dang ia trei ryngkat ban thaw ia ki lad ki lynti na ka bynta kiwei kiwei ki jingdonkam.
