Ha ka jingialehkai ialehkai phutbol jong ka lympung kaba la tip kum ka Nation League, ka kynhun ialehkai phutbol ka England ka la lah ban pynliem noh ia ka Finlad da 3-1.
Katei ka jingiakhun ka dei kaba la long ha Helsinki Olympic Stadium ha Finland, ha kaba haduh ba kut ka jingiakhun jong ka kylla, ka England ka la lah ban tam ia ka Finland da 1-0, lyngba ka kol kaba la thep da u Jack Geralish ha ka minit ba 18 jong ka kylla step.
Ha ka kylla miet jong ka jingiakhun, ka England ka la nion tyngeh pyrshah ia ka Finland bad ha kaba kum katei ka jingiakhun, ha ka minit ba 74 ka la ioh biang ban thep kol ia kaba la thep da u Trent Alexander Arnold bad sa ka kol na u Declan Rice ha ka minit ba 84, hynrei ha ka minit ba 87 ka Finland ka la shu ioh thep shikol ia kaba la thep da u A. Hoskonen.
Kumba ka long ba ka England bad Finland ki dei kiba don ha ka League:B bad ha ka Group:B, ha katei ka Group la don sa kiwei ki ri kiba kynthup ia ka Greece bad ka Ireland. Hadien ba namjop jong ka jingiakhun kaba hynnin ka sngi, ka England ka don ha ka kyrdan ba-ar hapoh ka Group bad ka Greece ka don ha ka kyrdan kaba hakhlieh, namar na ki saw sien iakhun, ka la jop baroh ki jingiakhun.
