Ha kawei ka jingjia ka bym pat ju jia koit haka history, uwei u Robot ba trei ha Gumi City Council haka ri South Korea u la noh ïap ïalade bad ka dei ruh ka sien ba nyngkong ha katei ka rib a u robot un noh ïap kaba la mih ruh ka jingkylli kaba bun ha kylleng ka pyrthei hato u robot u don ka jingsngew kum u briew?
Katei ka jingnoh ïap jong u robot ka dei haka 4 tarik jong ka taiew bala dep, kaba la wanrah ruh ka jingsngewsih bad ka jinglynngoh kaba khraw haka juh ka por.
Ki heh jong ka City Council kila pynpaw ba kila lum ïa ki bynta jong u robot uba pra ban bishar bniah. Ka daw jong ka jinghap jong u ne u robot ym pat lah ban tip, hynrei katei ka jingjia ka la pynmih ia ki jingkylli halor ka jingkit bad ka kam ba khia bala bynshet.
Une u nongïarap ba trei shitom ha ka kam mashin, u la sdang ïaka kam naduh u snem 2023 bad trei baroh ki jait kam, naduh ka jingpynpoi ïa ki kot ki sla ban ai jingtip sha ki nongshong shnong. U tei u robot u trei naduh ka por 9 baje mynstep haduh ka por 6 baje janmiet, u iaid khlem sangeh hapdeng ki mala jong katei ka building, bad ka jinglah jong u ban trei ka long kaba kham pher napdeng ki jait robot.
Kumta, hato ka dei shisha ka “jingpyniap ialade jong ki robot” naka jingkhia ka kam kumba la kynnoh ne tang ka jingbakla ne thud jong ki kor ki bor, watla ngim lah ban sngewthuh pura ïa ka jingmut jingpyrkhat kum ki mashin, hynrei kawei ka long kaba thikna, kane ka jingjia ka la pynmih ïa ka jingïakren kaba kongsan shaphang ka lawei jong ki robot ha ka imlang sahlang jong ngi.
