Haba sdang ka lympung ialehkai Hockey bad kaba la tip kum ka Asian Champions Trophy 2024 ha Nongbah Hulunbuir ha China, ka kynhun ialehkai Hockey ka India, ka la pynliem noh ia ka kynhun ialehkai Hockey ka China da 3-0.
Kaba sdang jong ka Quarter ne ka jingialehkai ba sdang, ka China ka la lah ban lehkai khambha bad nion tyngeh ia ka India, hynrei katba ka jingiakhun ka la iaid shakhmat, ka India ka la ioh ban pynkhihjar nyngkong lyngba u Sukhjeet Singh, uba la thep lyngba ka bol kaba la pynbuh bha da u Jugraj Singh.
Ha ka Quarter ba-ar jong ka jingiakhun, ka India ka la ioh biang ia ka kabu kaba biang ban thep biang sa shi kol, ia kaba la thep da u Uttam Singh.
Ka jingiakhun kaba la pynjem khnap syndon ia ki rangialehkai ka China, ka dei hadien ba ka India ka la ioh biang ban thep ia ka kol balai, ia kaba la thep da u Abhishek, kaba la pynlong ia ka India ban pynliem ia ka China da 3-0, haba sdang jong ka Asian Champions Trophy 2024.
