Uwei u samla na ka shnong Nongmensong Dongkamon kaba hap ha ka thanad Rynjah jongka East Khasi Hills District la ioh jingjingtip ba u la jah rngai naduh ka janmie jong ka 4 tarik mynta u bnai Nailur, 2024 katba u dang hiar na ka nongbah Shillong ban leit sha ki thain Nongpoh.
Ia kane ka jingjia, la leit ban pyntip sha ki bor pulit ka Police Control Room jong ka nongbah Shillong da ka hynmen utei u samla, ka Priya Rasaily bad iathuh ruh ba ia utei u para jong ka uba la jah rngai, la tip kyrteng kum u Adarsh Rasaily, 23 snem ka rta.
Kumba long haduh mynta, na ka liang kim pat ioh jingtip satia shaei ba utei u Adarsh Rasaily u la don bad na ka liang ki bor pulit ki dang pynlong ia ka jingtohkit ban lapdien ia u.
