Ka Hynniewtrep Youth Council (HYC) kala byrngem ban khang tala iaka Khasi Hills Autonomous District Council (KHADC), lada ki bor pyniaid ka Council, kim khang tala iaka karkhana Resource Rubber Private Limited kaba don ha 11 Mer, Mawsmai, Ri-Bhoi District jong u Joginder Pal Kapoor.
Ia kane la pyntip da u President ka HYC u Bah Roy Kupar Synrem hadien ka jingiakynduh ia u EM ba khmih iaka tnat Trade u Bah Gigur Myrthong.
Haba kren sha ki lad pathai khubor, u President ka HYC ula iathuh ba naka liang u EM ula kubur ba ki kot ki sla jong u Joginder Pal Kapoor kila kut noh ha u bnai Iaiong 2024 bad haduh mynta, une u bar Jylla u khlem pat pynthymmai (Renew).
U Bah Roy Kupar ula ong ba ka jingleit khang tala ka HYC iaka karkhana Resource Rubber Private Limited kadei namar baka District Council ka khlem leh iala ka kamram.
“Lada ka KHADC ka ba shna hi iaka ain kam lah ban pyntreikam bad kam nud ban khang ïa katei ka karkhana kaba la pyniaid beaiñ khlem kot khlem sla, kan bha ban khang noh syndon iaka ophis KHADC” la ong u Bah Roy Kupar.
