Sa kawei pat ka jingjia, ki shipai Border Security Force ka 110 Bn jong ka jylla Meghalaya, mynta ka sngi, ki la ioh ban kurup haduh lai tylli ki lieng kynda jong ki nong Bangladesh kiba thmu ban wan rung tuh sha u pud u sam ka jylla Meghala ban wan tuh shyiap bad maw.
Ia kitei ki lai tylli ki lieng kynda, ki bor shipai jong ka BSF ki la ioh ban kurup na ka thain Patharghat jong ka wah Umiam ha Shella katba ki dang pyrshang ban jam sha ki bynta jong ka ri India.
Kumba long mynta, ki shipai BSF ha kylleng ki khappud jong ka jylla bad kiwei de ki jylla ka ri kiba don ia u pud u sam bad ka ri Bangladesh ki la pynlong ia ka jingpeitngor kaba jur ban pynthikna ba kan nym don kano kano ka jingwan rung beain da ki briew na katei ka ri, kaba don mynta hadpeng ka jingiaumsnam naduh ka jingshah pynkhyllem jong ka sorkar ka Sheikh Hasina, kaba la hap ruh ban phet rieh ialade sha ka ri India.
