Wat hapdeng ka jingkhih phaloh ka jinglong jingman ha ka ri Bangladesh, hynrei la iohi ba ki kam shalan beain ia ki tiar lyngba ki khappud ka jylla bad katei ka ri, ki dang iaid shaid shaid lyngba ka jingdonkti jong ki katto katne ki briew kiba dei na ka jylla Meghalaya bad kiba na katei ka ri Bangladesh.
Kane ka la paw pyrthei mynta ka sngi, ha kaba ki shipai khappud jong ka Border Security Force (BSF), hadien ka jingioh jingtip kaba thikna lyngba ka 110 BN ki la ioh ban khynra bad pynpulom ia ka jingthmu jong ki nongshalan beain ia ka shini kaba don haduh kumba 1900 kilo ha ki jaka kiba dang hap hapoh ka jingkhmih jong ka Border Outpost ka Nongjri bad Tuka.
Ki shipai BSF lyngba katei ka jingkhynra, ki la ioh ban kurup noh ia katei ka shini kaba don da ki phew byrni, kaba la thmu ban pynpoi bad shalan beain sha ka ri Bangladesh da ki runar lyngba kitei ki khappud ka jylla Meghalaya bad Bangladesh.
