Ka lympung ialehkai cricket jong ki 6 tylli ki jylla kaba la tip kum ka 1st NECDC Senior Women Inter-State Friendship T20 Tournament kaba la pyniaid daka Meghalaya Cricket Association (MCA) ka la poi noh sha ka ba kut da ka jingialehkai phainal hapdeng ki thei ialehkai ka jylla Nagaland bad ki thei ialehkai ka jylla Sikkim ha ka 5 tarik Risaw, 2024 ha madan ialehkai cricket jong ka RBDCA, Phamsning, Nongkhrah.
Ha kane ka sngi pynhap pyrda la wan ban ia donlang da u Dikki D Shira, Director of Sports and Youth Affairs jong ka jylla Meghalaya haka jingiadon lang u President ka Meghalaya Cricket Association u Naba Bhattacharjee uba dei ruh u Co-Convener ka North East Cricket Development Council, Mamon Majundar BCCI Apex Council Member, Lalrochuanga Pachuau, President Cricket Association of Mizoram, u president ka Ri-Bhoi District Cricket Association u Bah Rayonald Kharkamni uba dei ruh u Vice-President ka Meghalaya Cricket Association, Bah Gideon Kharkongngor Secretary ka MCA, u bah Micheal Kharhunai Secretary RBDCA, u Bah Ferdinald Kharkamni Vice-President ka RBDCA lem bad kiwei kiwei ki riew rangbah.
Haba phai sha katei ka lympung kitei ki ar kynhun kata ka Nagaland bad ka Sikkim ki la ia khun tyngeh naduh ka sngi kaba sdang jong katei ka lympung bad pynliem ruh ia kiwei kiwei ki jylla ban pyntikna ia lade iaka jaka haka phainal. katba ha kane ka jingiakhun ia knieh iaka nam ka suin bneng barioh shisngi kam shym la ailad ban iaid ka jingialehkai bad ha kaba khatduh naka liang ka Organizing Committee jong ka NECDC ki la rai ban shu ia sam mar katjuh ia katei ka nam sha ka Sikkim bad ka Nagaland.
Ia katei ka trophy lahduh naka liang ki Nongpyniaid ki la shu hap ban ia kyntieng pisa hapdeng kitei ki artylli ki jylla ha kaba ka Sikkim ka la jop iaka jing ia kyntieng pisa bad ka la ioh ban rah nyngkong iaka trophy naka bynta 6 bnai bad yn sa aiti pat sha ka Nagaland ban ioh buh ia katei ka trophy lahduh.
Naka liang ka Meghalaya Cricket Association ka la sam ruh ia ki khusnam bapher bapher jong katei ka lympung, ha kaba iaka nam Best Bowler la ioh rah da ka Monica devi (Manipur), iaka khusnam Best batter la ioh daka Sam roy pradhan (Sikkim) iaka nam Player of the tournament la ioh daka Debashmita Dutta (Meghalaya) bad iaka nam Best wicketkeeper la ioh ban rah daka Kalpana Devi (Manipur).
