Haka jingiaknieh ban rung sha ka Final jong ka 1st NECDC Senior Women Inter State Friendship T20 Tournament 2024 napdeng ki 6 tylli ki kynhun, Ka Jylla Nagaland ka la ioh ban rung sha ka phainal dakaba pynliem noh iaka ki thei ialehkai jong ka Jylla Meghalaya bad ki thei ialehkai ka Jylla Sikkim ki la pynliem noh iaka ki thei ialehkai ka jylla Manipur haka jingiakhun Semi Final kaba la long mynta ks angi ha madan ialehkai RBDCA.
Haba phai sha ka jingialehkai semi phainal kaba nyngkong kaba la long hapdeng ka Meghalaya bad ka Nagaland bad namar ka jingbym ai lad ka suin bneng naduh hynnien ka sngi, naka liang ki nongpyniaid ki la hap ban shuh pynlong daka bowl-out bad ha katei ka jingia bowl ka Nagaland ka la lah ban pynhap bun sien ia u stump bad ka la pyliem syndon iaka jylla Meghalaya.
Haka jingiakhun Semi Phainal ka baar hapdeng ka jylla Manipur bad ka Sikkim, bad ia kane ka jingiakhun Semi phainal la shu hap ban pynlong daka Super Over namar ka jinghap u slap baroh shi sngi. Ha katei ka jingiakhun lyngba ka Super Over ki thei ialehkai ka jylla Sikkim ka la lah ban pynliem noh iaki thei ialehkai ka Manipur.
Ka jingiakhun phainal jong katei ka lympung kan dei la shai ka sngi ka 5 tarik Risaw ha kaba ki thei ialehkai ka jylla Nagaland kan ia khun pyrshah iaki thei ialehkai ka jylla Sikkim ha kapor 10 baje mynstep ha madan ialehkai jong ka RBDCA, Phamsning, Nongkhrah.
