Ki seng bhalang naduh ka KSU, HYC bad kiwei kiwei ki seng bhalang ki la ialum lang mynta ka sngi ha Umroi Airport na ka bynta ban pyrshah ban wan poi u Jagadguru Shankaracharya, kaba dei halor ka jingpyrshah jur ia ka jingthmu jong u ban pynlong ia la rally na ka bynta ba khang ka bam doh masi ha kane ka jylla.
Ki bor synshar District bad ki Pulit na Ri Bhoi ki la hap ban pahaara jur ia katei ka Umroi Airport, kaba dei hadien ba ki kynhun segn bhalang ki la ialum bad ki la ia pyrshah ban nym shah ban wan rung sha ka nongbah Shillong bad ruh sha ki shnong bapher bapher hapoh ka jylla.
Kumba la ioh lum jingtip, ha ka jingshisha na ka liang ka sokar lyngba u Chief Secretary u la dep ban pynbna sha ki lad pathai khubor ba ka sorkar kan nym ai bor ban wan poi utei u Gagadgura Shankaracharya ha ka jylla bad ki la dep ban thoh sha ka Airport Authority of India ban nym shah ban wan hiar ha Umroi Airport, hynrei katkum ka jingtip ba la ioh lumm pat la ong ba ka Airport Authority of India kan nym lah ban khang ia kane ka jingwan katei ka kynhun Gau Bharat Yatra ha kaba ki hap ban ioh bor na ka DGCA bad na ka Civil Aviation Ministry, kaba lah ban shim ia ka rai.
La ioh jingtip ruh ba katei ka kynhun kan wan poi beit ha Aiport Umroi, kaba dei hadien ba kam don kano kano ka jingkhang ia i Jagadguru Shankaracharya bad ka kynhun.
Na ka lailng u SP ka Ri Bhoi, u Jagpal Singh Dhanoa u la ong ba ha ka jingshisha naduh ka sorkar bad ka bor synshar District na Ri Bhi ki la dep ban ai da ka jingtoh sha ka Airport Authority of India ban nym shah ban wan hiar ha Umroi Airport, hynrei kim lah ban leh ei ei namar ban ioh bor ia kane ka bynta kam dei ka bor jong ka sorkar jylla bad ka dei ka bor jong ka sorkar kmie.
U la pynshai ruh wat la katta ruh kin nym shah ia u ban wan sha ka jylla ha kaba u lah ban wan tang ha Airport bad shabar ka Airport ka dei ka bor jong ka sorkar jylla bad ki hap ban khang ia kane ka jingwan jong u ruh, ka dei namar ba ka ktah ia ka shongsuk shongsain ki paidbah ha ka jylla.
Shuh shuh, na ka liang u SP ka Ri Bhoi u la pynshai ruh ba ka bor synshar District kan khang beit ia u Jagadgura Shankaracharya ban mih na ka Airport bad kim lah ban tip pat la u wan na ka surok bad na Airport un nym lah ban rung sha ka nongbah ka jylla ba ka bro synshar district bad ka sorkar ruh ki la khang pyrshah halor ka Nongrim ba ioh ka ktah ia ka shogsuk shongsain ki paidbah ha ka jylla kumba bun kiba la pyrshah ia kane ka jingwan kane ka kynhun.
