Naduh 1 tarik Naitung haduh mynta ka 6 tarik Nailur 2024, ki Pulit ka East Khasi Hills ki la ioh bat ia ki 1788 tylli ki kali ki ba tah iit iong bad 30 tylli ki dei ki Kali sorkar.
Kane ka jingbat ki Pulit iaki kali tah iit iong kadei kum shi bynta ban pyntreikam iaka hukum jong ka iingbishar ba khlieh duh ka Ri India ka Supreme Court Writ Petition (Civil) No. 265 jong u snem 2011, kaba la khang pyrshah ban tah iit iong ia ki Kali paidbah.
Haba iadei bad kane ka tnat Shillong Traffic Police (STP) naduh 1 tarik Naitung haduh 6 tarik Nailur kala ioh bat 1788 tylli ki kali ba tah iit iong.
Nalor kane ki pulit kila ioh lum ruh T.13,35,000 lak kum ka kuna ba ki la dain kuna iaki kali kiba pynkhein iaka ain MV Act.
Haba pynthikna ia kane u Superintendent of Police (SP) ka East Khasi Hills u Bah Sylvester Nongtnger u la iathuh ruh ba napdeng ki 1788 tylli ki kali ba shah bat, ki don ruh 30 tylli ki kali Sorkar kiba shah bat bad shah dain kuna.
