Kawei ka longkmie kaba la 56 snem ka rta kala thmu ban kynthih bad noh iap ialade na kawei ka jingkieng Mumbai Trans Harbor Link kaba la tip ruh kum ka Atal Setu hynnin ka janmiet bad ioh pynlait im noh da uwei u draibar taxi lem bad ki pulit traffic.
Katkum ka khubor bala ioh lum la ong ba katei ka jingjia kala jia haka janmiet jong ka sngi thohdieng haka por kumba 7 baje eiei, bad katkum ki video bala ioh ring da ki CCTV bala saphriang ruh haki rynsan social media la iohi ba katei ka longkmie kala ieng harud ka jingkieng da ka jingthmu ban kynthih bad noh iap ialade, hynrei tang mar ïa kynthih katei ka longkmie u draibar u la ioh ban bat na u shñiuh jong ka, ryngkat bad 4 ngut ki pulit kiba dang hiar naka kali kila mareh sted ban iarap tan lang ïa katei ka longkmie.
Shuh shuh ïa katei ka longkmie la rah noh sha thanad Navi Mumbai bad la pyntip ruh sha ki bahaiing hasem jong ka bad ka jingtohkit halor katei ka jingjia ka dang iaid shakhmat ban lap iaka daw tynrai haduh ba katei ka longkmie ka thmu ban shim iaka jingim lajong.
