Ha ka jingialehkai ka Indian Super League ba hynnin ka janmiet, ka kynhun ialehkai ka Chennaiyin FC, ka la lah ban pynliem kput ia ka Jamshedpur FC da kaba thep haduh 5-1.
Katei ka jingiakhun hapdeng kitei ki kynhun ialehkai phutbol, ka dei kaba la long ha JRD Tata Sports Complex, Jamshedpur, ha kaba ka Jamshedpur FC kaba dei ka kynhun kaba pdiang ia ka Chennaiyin ban ialehkai ha la iing, hynrei ka la hap ban mad ia ka jingshah rem kaba shah thep haduh 5 kol.
Tang ha ka kylla step jong ka jingiakhun, ka Chennaiyin FC, ka la lah ban tam haduh 3-0, kata ka dei lyngba ka kol kaba la bakla thep hi da u P. Chaudhari, uba dei u rangialehkai dien ka Jamshedpur, nangta bud sa ka kol na u I. Yadwad uba la thep ha ka minit ba 22 bad u C. Shields uba la ioh ban thep ha ka minit ba 24 jong ka kylla step.
Ha ka kylla miet, ka Chennaiyin FC ka la ioh biang ban thep sa ar-kol, ia kaba la thep da u W. Gil ha ka minit ba 54 bad u L. P. Brambilla uba la ioh ban thep ha ka minit ba 71. Katba ia ka shikol na bynta ka Jamshedpur FC la thep da u J. Hernández, uba la thep ha ka minit ba 81 ha ka dur jong ka penalty.
Lyngba katei ka namjop, ka Chennaiyin FC ka la kiew sha ka kyrdan ba hynriew bad kaba la ioh 11 poin na ki hynniew sien iakhun, katba ka Jamshedpur FC ka don ha ka kyrdan ba saw ha ka miej iakhein poin, kaba don ha ha kti 12 poin na ki hynniew sien iakhun.
