U CK Nayak, uba dei uwei na ki nongthoh khubor uba la rim bha ha ka nongbah Delhi bad uba dei ruh kum u Special Correspondent jong ka kotkhubor phareng ka jylla, The Shillong Times ha katei ka nongbah, u la shah jied biang khlem da don ki nongiakhun, kum u President ba thymmai jong ka Press Association ha ka ilekshon kaba la pynlong ha sngi Saitjain ba lah dep.
Nalor utei u CK Nayak, kiwei de ki nongkitkam jong ka Press Association kiba la shah jied ha kane ka samoi treikam kaba mynta ka kynti, ki kynthup ia u Sagar Kulkarni jong ka Press Trust of India (PTI) u la shah jied kum u Vice President, ka Laxmi Devi Are kum ka General Secretary katba u Gyaneshwar Dayal bad u JC Verma ki la shah jied kum ki Joint Secretary and Treasurer.
Kum ban shu kdew hangne, ka seng Press Association, kadei kaba mihkhmat kyrpang na ka bynta ki nongthoh khubor ha ka ri kiba la ioh jingithuh na ka sokar lane kita kiba ki ong ki ‘accredited journalist’.
