Ki ar kol kaba la thep da u Lionel Messi bad ka shi kol na u Lius Suarez, ka la biang pura ia ka Inter Miami CF ba kan pynliem noh da 3-2 pyrshah ia ka Columbus Crew ha ka lympung ialehkai ka Major League Soccer jong ka samoi ba mynta u snem.
Ka jingiakhun hapdeng kitei ki kynhun ba radbah bad kiba don ha kyrdan ba hakhmat ha ka MLS, ka la long ha Lower.com Field Stadium, ha kaba tang ha ka kylla step jong ka jingiakhun, ka Inter Miami ka la lah ban tam da 2-0, ia kaba la thep da u Lionel Messi ha ka minit ba 45 bad ha ka minit ba 45+5 jong ka kylla step.
Haba bteng ka kylla miet, tang ha ka minit ba 46 ka Columbus Crew ka la ioh ban thep kol ia kaba la thep da u D. Rossi, hynrei ha ka minit ba 48 ka Inter Miami ka la ioh biang ban thep kol, ia kaba la thep da u Lius Suarez. Ha ka mint ba 61 ka Columbus Crew ka la ioh biang ban thep kol, ia kaba la thep da u J. Hernandez uba la thep ha ka dur jong ka Penalty, hynrei lait nangta kim shym la ioh shuh ban thep kol bad kiba la hap ban pdiang ia ka namrem kaba 3-2 hakhmat ka Inter Miami.
Kumba ka long mynta ha ka miej iakhein poin ka Eastern Conference jong ka Major League Soccer, ka Inter Miami ka don ha ka kyrdan kaba hakhlieh duh kata da 68 poin na 32 sien ialehkai, kaba wan ha ka kyrdan ba-ar dei ka Columbus Crew kaba ioh 57 poin na ki 31 sien iakhun hapoh katei ka MLS.
