Ha ka jingiakhun jong ka Durand Cup ba mynta ka sngi ha JDR Tata Sports Complex Stadium kaba don ha Jamshedpur, ka Indian Army Football Team ka la lah ban pynliem noh ia ka Chennaiyin Football Club, ka kynhun kaba ialehkai ha ka Indian Super League da shikol la nod.
Ka Chennaiyin FC bad ka Indian Army FT, ki dei ki kynhun kiba don ha ka Group-D, kaba la donlang ruh ka Jamshedpur Football Club bad ka Bangladesh Army, hynrei ka Bangladesh Army ka la weng noh ialade na kaba iashimbynta, ia kaba la thep bujli noh da ka kynhun ialehkai ki shipai ka Assam Rifles.
Katba haba phai ha ka jingiakhun ki kynhun kiba don ha ka Group-B kaba la long ha Salt Lake Stadium, Kolkata, ka Bengaluru Football Club, ka la pynliem noh ia ka Indian Navy Football Team ne ka kynhun ialehkai ki Shipai Duriaw ka India da 4-0.
