Ka 1st Edition South Western Motocross Championship ong u snem 2024 la pynkut noh ha ka Sngi Saijain ha Upper Kalaichar, South West Garo Hills, kaba dei ka jingiakop ba la pynlong 3 sngi kynthih na ka bytna ki nongniah kali ba ar shaka kata kynthup ia ki Bike bad ki Scooty ba la pynlong da ka Rangira Motors Adventure Club (RMAC).
Ha kane ka jngiakop niah Kali ar shaka la wan ban shim bynta haduh 64 ngut na ka kylleng ki thain ka Meghalaya, ha kaba ki la wan ban pyni ia ka jingtbit jongki ha kaba ia dei bad ka kam niah Kali ar shaka ha ki kyndan bapher bapher.
Haba pynkut noh ia kane ka lympung la wan ban shim bynta da u Sanjay Sangma, MLA ka Mahendraganj, kum u kongsa bad la sakhi lang ruh da ka jingdon lang u Linda Marak, Nokma ka Kalaichar, bad kiwei kiwei ki riew rangbah.
U Kanam G Sangma u la khur ïa ka kyrdan ba hakhmat eh ha ka Local Class Final, katba u Bregie Riprang R Marak u la ïoh ban bat ïa ka kyrdan Scooty Class Category.
Ha ka kyrdan ba sdang, u Rakkim Ch. U Marak u la ioh khur kum u nongjop, da kaba u la pyni ia ka sap kaba kaba kyrpang kaba u don, katba u Chengseng Ch. U Marak u la pawnam ha ka kyrdan Novice category. U Patsha Kharkongor u la jop ha ka 2 Stroke Category, da kaba u la pynpaw pyrthei ïa ka jingtbit jong u ha ka rukom kaba kyrpang bad u Banteilang Jyrwa u la mih kum u nongjop ha ka Expert Category. Ia ka nam lahduh Open Category la rah da u Banteilang Jyrwa, uba la pyni ia ka jingtbit bad ka jingkut jingmut ba kyrpang jong u ha baroh ki liang jong ka jingiakop.
Kane ka lympung iakop la pynlong ym tang na ka bynta kito ki samla na katei ka thain, hynrei la pdiang ruh na kiwei kiba long ka jingai mynsiem ia ki khun samla ba kin ieit ia ki kam ialehkai sport hapoh katei ka thain.
