Nongpoh, Naitung 19: Saw ngut ki samla Khasi ki la ngat ha ka shrip ki Pulit ka Assam, kaba dei halor ka jingkynnoh don kti ban tuh ia ka Thuk thuk Royal Enfield.
Kine ki 4 ngut ki samla Khasi ba la shah kem ha ki Pulit ka Assam ki kynthup ia u samla Vincent Kharkongor, 28 snem ka rta, u Rolius Lapang, 30 snem ka rta, u Ricky Ranee, 35 snem ka rta bad u Zammremy Gashnga, 23 snem ka rta.
Kumba la pynpaw da ki pulit ka Assam ha ka rynsan Social Media, ia kitei ki 4 ngut la ioh ban kem da ka kynhun ki Pulit ka East Guwahati Police jong ka Dispur Police Station bad ki la ioh bat ruh ia kawei ka Kali Alto kaba don ia u number ML-10-B-2620 ba la pyndonkam da kitei ki 4 ngut.
Ki pulit ka Dispur Police Station ki la dang pynlong ia ka jingtohkit kaba bniah halor kane ka jingioh kem ia kitei ki 4 ngut ba la kynnoh don kti ban tuh thuk thuk bad ki la pyngngatt ruh ia kitei ki samla katkum ki kyndon jong ka aiñ.
