Ban iada na ka bynta ka jingshngaiñ ka ri Israel bad na ka bynta ka jingshngaiñ ka pyrthei hi baroh kawei, ka Israel mynta ka step jong ka sngi Thohdieng ka la ther bom kynsan ia ka jaka shna nuclear bom ka Iran, kaba dei ka thong jong ka ri Israel ban khanglad ia ka Iran ban shna ia ki nuclear bom kiba lah ban pynjot ia ka Israel bad ki ri ka pyrthei.
Ia kane la pynpaw da u nongaiktien ka Israel u Brigader General Effie Defrin, uba la pynthikna ba ka Israel ha ka step jong ka Sngi Thohdieng ka la ther bom kynsan ia ka jaka shna nuclear bom ka Iran ban khang lad na ka jingbteng ban shna ia kitei ki nuclear bom kaba la buh jingma ia ka ri Israel bad ia ka pyrthei.
Kumba la pynthikna, ha kane ka jingher bom ka Israel ia ka jaka shna nuclear bom ka Iran bun ki heh shipai,m ki saiantis bad ki paidbah ki la iap ba kynthup ruh ia u heh shipai ka Armed Forces, u Commander u IRGC bad u Commander ka Iran Emergency Command ba ka Israel ka la pyndonkam haduh 200 tylli ki Jet thma ban ther mom ia ka Iran.
Shuh shuh, u la ong ba ka Israel kam don lad da kumwei pat bad ka hap ban shim ia kane ka lynti ban ther bom ia katei ka jaka shna nuclear bom ka Iran na ka bynta ban iada ia ka ri bad ka Israel kan dang bteng ban ther bom ban iada ia la ka ri, kumba ka Iran ka dei kawei na ka ri kaba don kti ban kyrshan ia ki Lehnoh Hanmas bad Hezbollah ban ialeh thma pyrshah ia ka Israel.
Wat u Myntri rangbah ka Israel u Benjamin Netanyahu, u la pynpaw sha ka pyrthei ba ka ri Iran ka la don ka jngthmu ban pynkhlain ha kaba shna ia ki nuclear bom kaba la buh jingma ia ka pyrthei hi baroh kawei bad na ka liang ka Israel ruh kan nym ailad ba kan bteng ka jingther bom khnnag ban pyndujaid ia kine ki jingshna nuclear bom ka Iran. Ka ka Iran na ka por sha ka por ka pyrshang beit ban phai khmat sha ka Isral ban hiar thma bad na ka liang ka Israel ruh ka hap ban pynkhlain ban ia khun pyrshah ia kane ka jingthmu barieh ka Iran.
