Nongpoh, Jylliew 12: Daka jing thmu ban kyntiew iaka ioh ka kot hakaba iadei bad ka Pla tyngka bad ban nang pynkupbor ïa ki nongrep haki thaiñ nongkyndong, ka State Bank of India SBI Nongpoh Branch ka la ïoh ban pynlong ïaka program ‘Agri Loans Awareness Week’ ha ka 12 tarik jylliew ha ka shnong Marngar ha Ri Bhoi District.
Ha kane ka program la wan ban ïa donlang da u Nikhil Singh, Chief Manager State Bank of India, Nongpoh Branch, u Abhijeet Dutta Regional Manager Shillong Region SBI Shillong, u Samir Kant Jha, Deputy general Manager AO Shillong SBI Shillong lem bad ki phew ngut ki Samla jong katei ka thaiñ Marngar.
Katei ka Agri Loan Awareness Week kaba la ïoh ban pynlong mynta ka sngi haka shnong marngar kadei halor Ka jingthmu ban hikai ia ki nongrep shaphang ki lad jingiarap ba ki lah ban ioh na ka Bank kum ki ram bapher bapher ba kin lah ban kyntiew ia ka kam rep kam riang bad ruh ia ka ioh ka kot jong ki, da kaba ka Bank kan ai ram tang ba kin ioh lad ban pynheh ia ki kam rep ki kam riang.
Kitei ki heh ophisar ka SBI ba kynthup naduh u Nikhil Singh, Chief Manager State Bank of India, Nongpoh Branch, u Abhijeet Dutta Regional Manager Shillong Region SBI Shillong bad u Samir Kant Jha, Deputy general Manager AO Shillong SBI Shillong, ki la ai shibun ki jingpynshai sha ki nongrep halor ki lad jingiarap ba ki ioh na ki Bank ne na ka sorkar bad ka thong hi ka long ban kyntiew ia ka ioh ka kot ki nongrep lyngba ki kam rep ki kam riang jongki.
Shuh shuh, ki la kyntu ruh ia ki nongrep, ba lada ki don kano kano ka jingbym sngewthuh halor kine ki prokram ai jinghikai, ki lah ruh ban wan sha ki Bank ban wad jingtip, namar na ka liang ka Bank ka long kaba kloi ban iarap ia ki nongrep bad ban pyntip ruh ia ki halor shibun ki jingmyntoi ba ki ioh na ki Bank ne na ka sorkar, kaba dei ka thong ban kyntiew ia ki nongrep ba lyngba ka rep ka riang ki lah ban kiew ha ka liang ka ioh ka kot.
